"കളകള് കത്തിക്കുന്ന കാലം വരുന്നു "
സമൂഹത്തിൽ തിന്മ അഴിഞ്ഞാടുന്പോഴും, കള്ളത്തരം പ്രവർത്തിക്കുന്നവർ യാതൊരു സഹനങ്ങളുമില്ലാതെ സുഖലോലുപതയിൽ ജീവിക്കുന്നതു കാണുന്പോഴുമൊക്കെ ഒട്ടേറെപ്പേർക്കുണ്ടാകുന്ന ഒരു ചോദ്യമാണ്, എന്തുകൊണ്ടാണ് ദൈവം ഇതെല്ലാം കണ്ണടച്ച് അനുവദിച്ചു കൊടുക്കുന്നത് എന്ന്? അല്ലെ?. ലോകം ശരിയെന്നു മുദ്രകുത്തി അനുവദിച്ചുതരുന്ന ഒട്ടേറെ കാര്യങ്ങൾ, അത് ദൈവഹിതത്തിനു യോജിച്ചതല്ല എന്ന ഒരൊറ്റ കാരണം കൊണ്ട്, വേണ്ടെന്നു വയ്ക്കാനുള്ള തീരുമാനം എടുക്കാൻ ദൈവമക്കൾ നിർബന്ധിതരാകാറുണ്ട്. അതിനാൽത്തന്നെ ദൈവകല്പനകൾ പാലിച്ച്, ദൈവത്തിന്റെതായി ജീവിക്കുക എന്നുവച്ചാൽ പലപ്പോഴും ഒട്ടേറെ ബുദ്ധിമുട്ടുള്ള ഒരു കാര്യമാണ്. ഇങ്ങനെയുള്ളവരുടെ സംശയങ്ങളെയെല്ലാം ദൂരീകരിച്ചുകൊണ്ട് യേശു ഈ ഉപമയിലൂടെ ദൈവത്തിന്റെ ക്ഷമ ഒരിക്കൽക്കൂടി നമുക്ക് വെളിപ്പെടുത്തി തരുകയാണ്. ദൈവം സർവനന്മകളും തികഞ്ഞ, നല്ല ഫലം പുറപ്പെടുവിക്കുന്ന ഗോതന്പുചെടികളായാണ് ലോകത്തെ സൃഷ്ടിച്ചത്. എന്നാൽ പിശാചു തന്റെ കുതന്ത്രങ്ങളുപയോഗിച്ചു നമ്മുടെ ഇടയിൽ കളവചനം വിതച്ചു. അങ്ങിനെ ആദ്യമായി ആദവും ഹവ്വയും പാപത്തിനടിമയായി. ഇവിടെ ദൈവത്തിനു വേണമെങ്കിൽ ഒരു കാര